Home / Business / በመንግሥት የሚለሙ የኢንዱስትሪ ፓርኮች ግንባታ በ2009 ሙሉ በሙሉ ይጠናቀቃል

በመንግሥት የሚለሙ የኢንዱስትሪ ፓርኮች ግንባታ በ2009 ሙሉ በሙሉ ይጠናቀቃል

Ethiopian industry parks

አዲስ አበባ ሃምሌ 9/2008

በመንግሥት የሚለሙ የኢንዱስትሪ ፓርኮች በ2009 በጀት ዓመት ግንባታቸው ሙሉ በሙሉ እንደሚጠናቀቅ የኢንዱስትሪ ፓርኮች ልማት ኮርፖሬሽን አስታወቀ፡፡

የኮርፖሬሽኑ ዋና ሥራ አስፈፃሚ አቶ ሲሳይ ገመቹ እንዳሉት የቦሌ ለሚ ኢንዱስትሪ ዞን ግንባታው ተጠናቅቆ በምርት ሂደት ላይ የሚገኝ ሲሆን ግንባታው ተጠናቅቆ የተመረቀው የሐዋሳ ኢንዱስትሪ ፓርክ ደግሞ በቅርቡ ሥራ እንደሚጀምር ይጠበቃል።

“የመቐለ እና የኮምቦልቻ ኢንዱስትሪ ፓርኮች ውል ታስሮ ግንባታቸው ተጀመሯል” ያሉት አቶ ሲሳይ የአዳማ ኢንዱስትሪ ፓርክ ደግሞ በቀጣይ ሳምንት ግንባታው የሚጀምር ይሆናል።

አዲስ አበባ፣ ጅማ፣ ባህርዳር፣ ደብረ ብርሃን፣ አይሻ ደወሌ እና አረርቲ-ምንጃር ደግሞ የኢንዱስትሪ ፓርኮችን ለመገንባት የተለዩ አካባቢዎች ናቸው።

“በአጠቃላይ በአገሪቱ የተለያዩ ክፍሎች በመንግሥት የሚለሙ 10 ግዙፍና ሌሎች መለስተኛ የኢንዱስትሪ ፓርኮች ውሎች ታስረውና ተገንብተው በ2009 በጀት ዓመት ሙሉ በሙሉ ይጠናቀቃሉ” ብለዋል ዋና ሥራ አስፈፃሚው።

ፓርኮቹ በተለዩ የማኑፋክቸሪንግ ዘርፎች ላይ እንዲያተኩሩ የሚደረግ ሲሆን የኤክስፖርት ገበያም ዋነኛ የምርት መዳረሻቸው ይሆናል።

የፓርኮቹ ግንባታ አጠቃላይ ወጪ 1 ነጥብ 3 ቢሊዮን የአሜሪካ ዶላር ሲሆን፤ በዓለም አቀፉ የቦንድ ገበያ ከተገኘው ገንዘብና ከመንግሥት ካዝና ይሸፈናል።

መንግሥት ከሚያለማቸው የኢንዱስትሪ ፓርኮች በተጨማሪ በግል ባለኃብቶች የሚለሙ እንዳሉ ያነሱት አቶ ሲሳይ ይህም የግል ባለኃብቱ በዘርፉ ልማት ያለውን አስተዋጽኦ እያሳደገ መምጣቱን ያመላክታል ብለዋል።

በዱከም ግንባታው ተጠናቅቆ በምርት ላይ የሚገኘው የኢስተርን ኢንዱስትሪ ዞን፣ በአዲስ አበባ ጀሞ አካባቢና በሞጆ እየተገነቡ የሚገኙ የኢንዱስትሪ ፓርኮች በግል ከሚለሙት መካከል ተጠቃሽ ናቸው።

ቀደም ባሉት ጊዜያት ባለኃብቶች የኢንቨስትመንት ፍቃድ ካገኙ በኋላ መሬትና የባንክ ፋይናንስ ለማግኘት እንዲሁም ግንባታ ለማስጀመር በርካታ ውጣ ውረድ ይገጥማቸው ነበር።

የፓርኮቹ መገንባት ይህን ውጣ ውረድ በማስቀረት መሰረተ ልማቱ የተሟላና ደረጃውን የጠበቀ ህንፃ በማዘጋጀት ባለኃብቶቹ መሣሪያዎችን በመትከል ወደ ምርት እንዲገቡ እንደሚያስችሉም ነው የገለጹት።

ምንጭ ena

About Amora

If your Content posted here, in our youtube, twitter and Facebook pages and you want us to modify or remove it, please email us using the contact form in our site. Thanks.

Check Also

Egypt warns Ethiopia Nile dam dispute is life or death -El-Sissi

El-Sissi sought to reassure Egyptians in televised comments while attending the inauguration a fish farm in the Nile Delta province of Kafr el-Sheikh, but stressed that “water is a matter of life or death.” “No one can touch Egypt’s share of water,” he said.

Qatar, Ethiopia sign pact on investment protection

Qatar and Ethiopia have finalised and signed an investment protection agreement on Tuesday, according to HE the Minister of Economy and Commerce Sheikh Ahmed bin Jassim bin Mohamed al-Thani.

Leave a Reply

Your email address will not be published. Required fields are marked *