Home / News / በኢትዮጵያ ሶማሌ ክልል ድንበር አቋርጠው ሊገቡ በነበሩ የሽብር ቡድን አባላት ላይ እርምጃ ተወሰደ

በኢትዮጵያ ሶማሌ ክልል ድንበር አቋርጠው ሊገቡ በነበሩ የሽብር ቡድን አባላት ላይ እርምጃ ተወሰደ

ጅግጅጋ ሃምሌ 12/2008

በኢትዮጵያ ሶማሌ ክልል ፌርፌር ወረዳ ድንበር ተሻግረው ለመግባት በሞከሩና ራሱን የኦጋዴን ነጻ አውጪ ግንባር እያለ በሚጠረው የሽብር ቡድን አባላት ላይ እርምጃ መወሰዱ ተገለጸ።
የክልሉ መንግስት ኮሙኒኬሽን ቢሮ እንዳስታወቀው በተወሰደው እርምጃ አራት የቡድኑ አባላት ሲገደሉ ሦስቱ በቁጥጥር ሥር ውለዋል።
የቢሮው ኃላፊ ኢንጅነር እድሪስ ኢስማኤል አብዲ ዛሬ ለኢዜአ እንደገለጹት የቡድኑ አባላት የኢትዮጵያን ድንበር አቋርጠው ለመግባት የሞከሩት ትናንት ከምሽቱ አምስት ሰዓት አከባቢ ነው።
በፌርፌር ወረዳ ፈርጀኖ ቀበሌ በኩል ወደ ሀገር ውስጥ ገብተው የሽብር ተግባር ለመፈፀም በእንቅስቃሴ ላይ የነበሩት ፀረ ሰላም ኃይሎች በክልሉ ልዩ የፖሊስ ኃይል እርምጃ ተወስዶባቸዋል።
በዚህም አራት የቡድኑ አባላት ሲገደሉ ሦስቱ በክልሉ ልዩ የፖሊስ ኃይል ቁጥጥር ሥር መዋላቸውን ኃላፊው ተናግረዋል።
የሻዕቢያ መንግስት አሰልጥኖ ካሰማራቸውና ከተገደሉት የሽብር ቡድኑ አባላት መካከል የቡድኑ መሪ የነበረውም እንደሚገኝበት ገልጸዋል።
በቁጥጥር ሥር ከዋሉት ሦስት ሰዎች መካከልም አቶ አህመድ ኢስማኤል በቅጽል ሥሙ አህመድ ዴሪ  የሚባለው ራሱን የኦጋዴን ነጻ አውጪ ግንባር በሚል የሚጠረው የሽብር ቡድን የሎጅስቲክስ ኃላፊ እንደነበር ታውቋል።
የአሸባሪ ቡድኑ አባላት ከሻዕቢያ መንግስት የሽብር ተልዕኮ በመቀበል በደቡብ ምስራቅ የሀገሪቱ ክፍል ገብተው የሕዝቡን ሰላም ከማወክ ባለፈ የማህበራዊና ኢኮኖሚያዊ ልማት ተቋማትን የማፈራረስ ዓለማ እንደነበራቸው አስረድተዋል።
ከጎረቤት ሶማሊያ በኩል ድንበር ተሻግረው ለመግባት የሞከሩ የፀረ ሰላም ቡድን አባላት በእጃቸው ላይ የነበሩ ሰባት ቀላልና ከባድ የጦር መሳሪያዎች መያዛቸውንም ገልጸዋል።
የቢሮው ኃላፊ እንዳሉት የክልሉ መንግስት ላለፉት ዓመታት ከሕዝቡ ጋር ሆኖ የአካባቢውን ሰላም ለማረጋገጥ ባደረገው ጥረት በአሁኑ ወቅት በሁሉም የክልሉ አካባቢዎች የተረጋጋ ሰላም ተፈጥሯል።
ክልሉ የተጠናከረ መንግስት ከሌላት ጎረቤት ሶማሊያ እንዲሁም ከኬንያና ጅቡቲ ጋር ከሁለት ሺህ ኪሎ ሜትር በላይ ድንበር የሚጋራ መሆኑን የተናገሩት ኃላፊው፣ ሕብረተሰቡ የአካባቢውን ሰላም ለመጠበቅ ከፀጥታ ኃይሎች ጋር በትብብር እየሰራ እንደሚገኝ አስታውቀዋል።

ምንጭ : ኢዜአ

About Amora

If your Content posted here, in our youtube, twitter and Facebook pages and you want us to modify or remove it, please email us using the contact form in our site. Thanks.

Check Also

Egypt warns Ethiopia Nile dam dispute is life or death -El-Sissi

El-Sissi sought to reassure Egyptians in televised comments while attending the inauguration a fish farm in the Nile Delta province of Kafr el-Sheikh, but stressed that “water is a matter of life or death.” “No one can touch Egypt’s share of water,” he said.

Qatar, Ethiopia sign pact on investment protection

Qatar and Ethiopia have finalised and signed an investment protection agreement on Tuesday, according to HE the Minister of Economy and Commerce Sheikh Ahmed bin Jassim bin Mohamed al-Thani.

Leave a Reply

Your email address will not be published. Required fields are marked *