Home / Business / ኢትዮጵያና ጂቡቲ የጀመሩትን ኢኮኖሚያዊ ውህደት ሂደት ለማጠናከር ተባብረው ይሰራሉ – ዶክተር ቴድሮስ

ኢትዮጵያና ጂቡቲ የጀመሩትን ኢኮኖሚያዊ ውህደት ሂደት ለማጠናከር ተባብረው ይሰራሉ – ዶክተር ቴድሮስ

አዲስ አበባ ግንቦት 22/2008 ኢትዮጵያና ጂቡቲ የጀመሩትን ኢኮኖሚያዊ ውህደት ሂደት ለማጠናከር ተባብረው እንደሚሰሩ የውጭ ጉዳይ ሚኒስትሩ ዶክተር ቴድሮስ አድሃኖም ተናገሩ።
ሚኒስትሩ የጂቡቲ አቻቸው ዓሊ መሃሙድ ዩሱፍን ዛሬ በጽህፈት ቤታቸው ተቀብለው በጋራና በአካባቢያዊ ጉዳዮች ላይ ተነጋግረዋል።
ዶከተር ቴድሮስ ከውይይቱ በኋላ እንደተናገሩት ሁለቱ አገሮች የጀመሩትን ኢኮኖሚያዊ ውህደት በተሻለ መልኩ ለማሳደግ የተለያዩ ስራዎች በመከናወን ላይ ናቸው።

”የውህደት ሂደቱ በተለያዩ መንገዶች እየተፋጠነ ነው፣ ሁለቱ አገሮች አፍሪካ ውስጥ በጋራ ጉዳዮች በጣም ከተገናኙ መካከል ተጠቃሽ ናቸው” ብለዋል።

አገሮቹ በቀጣይ በጉምሩክ ጉዳዮች፣ ዜጎቻቸው ያለምንም ችግር የሚንቀሳቀሱበትና ከውህደቱ ጋር የተያያዙ ሌሎች ፖለሲዎች ይተገበራሉ ነው ያሉት።
አገሮቹ በተሻለ መልኩ በልማት ከተሳሰሩ ውህደቱ በማንኛውም መልኩ አይቀሬ መሆኑንም ሚኒስትሩ አመልክተዋል።
”እንደ አውሮጳውያን አቆጣጠር በመጪው ሐምሌ 21(ሐምሌ 14/2008) የሁለቱ አገሮች የጋራ የሚኒስትሮች ስብሰባ ይካሄዳል” ያሉት ሚኒስትሩ፣ስብሰባውን በተለያዩ መልኮች ለማካሄድ ታስቧል ብለዋል።

በዚህም  የሁለቱ አገሮች የህዝብ ለህዝብ ዲፕሎማሲን በባህል ትስስር ለማሳደግ የፓናል ውይይቶች፣ ጥናቶች እንዲሁም ንግድና ኢንቨስትመንት በሚጠናከርበት ሁኔታ ላይ ምክክር ይደረጋል።
”ሁለቱ አገሮች በተለይ በቀጣናው አገሮች ያለውን የሰላም ጥበቃ ስራ በሚያጠናክሩበት ጉዳይ ላይ ተወያይተናል” ያሉት ዶክተር ቴድሮስ፣ የኤርትራን ጸብ አጫሪነት ፖሊሲ ጉዳይና መፍትሄዎቹ ላይም ከአቻቸው ጋር መወያየታቸውን ተናግረዋል።
አገሮቹ የዓረብ አገሮች ወቅታዊ የሰላም ሁኔታና ሊያሳድርባቸው በሚችለው ተጽዕኖ በጋራ ለመስራት ይተባበራሉ ብለዋል።
ሚስተር ዩሱፍ በበኩላቸው ከኢትዮጵያ አቻቸው ጋር በተለይ በሐምሌ በሚካሄደው የሁለቱ አገሮች የጋራ የሚኒስትሮች ስብሰባ ላይ በስፋት መወያየታቸውን ገልጸዋል።

”ሁለቱ አገሮች በአፍሪካ ቀንድ የጀመሩትን የውህደት ሂደት በሚያጠናክሩበት ጉዳይ ላይ ተወያይተናል” በማለትም ተናግረዋል።
በአገሮቹ መካከል እስካሁን በመሰረተ ልማት ተቋማት ግንባታ ረገድ ውህደቱ ሙሉ በሙሉ እንደተሳካ አስታውቀዋል።
”አሁን ወደሚቀረው የውህደት ፖሊሲ ጉዳይ፣ ነጻ የሰዎች ዝውውርና የእቃዎች ዝውውር ጉዳይ እንዲሁም የቱሪዝም ዘርፉን ለማሳደግ ምቹ ሁኔታ ወደ መፍጠሩ  መሸጋገር ያስፈልጋል” ብለዋል።
ኢትዮጵያ ሂደቱን ለማፋጠን ያላትን የተሻለ ልምድ ተጠቅማ ውህደቱን ታፋጥነዋለች ነው ያሉት።

አገሮቹ በቀጣናው ሰላም ለማስፈን ያላቸውን እንቅስቃሴ በሚያጠናክሩበት ሁኔታ ላይ መወያየታቸውን ሚኒስትሩ አስረድተዋል።
ሚኒስትሩ የግንቦት 20 ድልን በማስመልከት ለኢትዮጵያ ህዝብና መንግስት የእንኳን አደረሳችሁ መልዕክት አስተላልፈዋል።

Source: ENA

About Amora

If your Content posted here, in our youtube, twitter and Facebook pages and you want us to modify or remove it, please email us using the contact form in our site. Thanks.

Check Also

Egypt warns Ethiopia Nile dam dispute is life or death -El-Sissi

El-Sissi sought to reassure Egyptians in televised comments while attending the inauguration a fish farm in the Nile Delta province of Kafr el-Sheikh, but stressed that “water is a matter of life or death.” “No one can touch Egypt’s share of water,” he said.

Qatar, Ethiopia sign pact on investment protection

Qatar and Ethiopia have finalised and signed an investment protection agreement on Tuesday, according to HE the Minister of Economy and Commerce Sheikh Ahmed bin Jassim bin Mohamed al-Thani.

Leave a Reply

Your email address will not be published. Required fields are marked *