Home / Business / የሀዋሳ ኢንዱስትሪ ፓርክ የፊታችን ረቡዕ ይመረቃል

የሀዋሳ ኢንዱስትሪ ፓርክ የፊታችን ረቡዕ ይመረቃል

አዲስ አበባ፣ ሰኔ 30፣ 2008 (ኤፍ.ቢ.ሲ)

የሀዋሳ ኢንዱስትሪ ፓርክ የፊታችን ረቡዕ እንደሚመረቅ የኢንደስትሪ ፓርኮች ልማት ኮርፖሬሽን አስታውቋል።
የኢንዱሰትሪ ፓርኮች ልማት ኮርፖሬሽን የቦርድ ሰብሳቢ እና የጠቅላይ ሚኒስትሩ ልዩ አማካሪ ዶክተር አርከበ እቁባይ ይህን በማስመልከት ዛሬ በሰጡት መግለጫ፥ የሀዋሳ ኢንዱስትሪ ፓርክ በቀጣይ በሀገሪቱ ለሚገነጉ የኢንዱስትሪ ፓርኮች ሞዴል እና ፈር ቀዳጅ ነው ብለዋል።

ዶክተር አርከበ ኢኮኖሚያዊ ትሩፋቱንም የተመለከትን እንደሆነ ፓርኩ በሁለት ፈረቃ ለ60 ሺህ ሰዎች የስራ እድል ይፈጥራል ያሉ ሲሆን፥ 1 ቢሊየን የአሜሪካ ዶላር የውጭ ምንዛሬ ገቢ ያስገኛልም ብለዋል።
የሀዋሳ ኢንዱስትሪ ፓርክ ሀገሪቱ ባለፉት 50 ዓመታት ከጨርቃ ጨርቅ ኢንደሰትሪ ስታገኝ የነበርውን ገቢም በ10 እጥፍ እንዲጨምር የሚያደርግ መሆኑን ዶክተር አርከበ አብራርተዋል።

ኢትዮጵያ በአሁኑ ጊዜ ከዘርፉ 110 ሚሊየን የአሜሪካ ዶላር ገቢ የምታገኝ ሲሆን፥ ፓርኩ ግን 1 ቢሊየን የአሜሪካ ዶላር ገቢ እንድታገኝ ያስችላታል ሲሉም አስታውቀዋል።
በፓርኩ ውስጥ ከጨርቃጨርቅ አምራቾች በተጨማሪ ሌሎች ደጋፊ አምራቾችም ይገባሉ ያሉት ዶክተር አርከበ፥ ከነዚህም ውስጥ የቁልፍ፣ የክር እና የመሳሰሉ የግብዓት አምራቾች ይገኙበታል ብለዋል።

ለኢንዱስትሩ ፓርኩ የሚሆን የግብርና ግብዓት በሀገር ውስጥ ለማምረትም ስራዎች እየተሰሩ መሆናቸውን ዶክተር አርከበ ገልጸዋል።

በአሁኑ ጊዜም 15 የውጭ ሀገራት እና 5 የሀገር ውስጥ አምራቾች ወደ ፓርኩ መግባታቸውን ያነሱት ዶክተር አርከበ ከነዚህም ውስጥ በዓለም አቀፍ ደረጃ ከ1300 ዓመት በላይ የማምረት ልምድ ያለው የፒ ቪ ኤች ኩባንያ በፓርኩ ውስጥ ከገቡት ኩባንያዎች መካከል አንዱ ነው ብለዋል።

እንዲሁም በዘርፉ ከፍተኛ ልምድ ያላቸው ኤች ኤንድ ኤም እና ቫኒቲ ፌይርም በፓርኩ ውስጥ መግባታቸወብን ጠቁመዋል።

ፓርኩ የአንድ ማእከል አገልግሎት ለመስጠትም የተደራጀ መሆኑን ያነሱት ዶክተር አርከበ፥ የገቢዎች እና ጉሙሩክ ባለስልጣን፣ የሰራተኛ እና ማህበራዊ ጉዳይ ቢሮ፣ ባንኮች እና ሌሎችም አገልግሎት ሰጪ ተቋማት ፓርኩ ውስጥ የሚገቡ ይሆናል።
የሀይል አቅርቦት ችግሩን ለመፍታትም በፓርኩ የራሱ የሆነ የኤሌክትሪክ ሀይል ማከፋፈያ ጣቢያ ተገንብቶለታል የሚለውንም አንስተዋል።

ፓርኩ በአካባቢው የሚለቀቁ በካይ ነገሮች የለውም ያሉ ሲሆን፥ ይህ ደግሞ በአፍሪካ ካሉ ጥቂት ከአካባቢ ጋር ተስማሚ ፋብሪካዎች አንዱ ያገድረዋል ሲሉም ዶክተር እርከበ ተናግረዋል።
በጨርቃ ጨርቅ ዘርፍ ብቸኛው የሆነው ይህ ፓርክ የአስተዳደር ስራው ለተወሰነ ጊዜ በውጭ ሀገራት ኩባንያዎች የሚከናወን ሲሆን፥ በሂደት ግን ኢትዮጵያውያን የሚረከቡት እንደሚሆንም ዶክተር አርከበ ጠቁመዋል።
በብስራት መለሰ

Source: FBC

About Amora

If your Content posted here, in our youtube, twitter and Facebook pages and you want us to modify or remove it, please email us using the contact form in our site. Thanks.

Check Also

Egypt warns Ethiopia Nile dam dispute is life or death -El-Sissi

El-Sissi sought to reassure Egyptians in televised comments while attending the inauguration a fish farm in the Nile Delta province of Kafr el-Sheikh, but stressed that “water is a matter of life or death.” “No one can touch Egypt’s share of water,” he said.

Qatar, Ethiopia sign pact on investment protection

Qatar and Ethiopia have finalised and signed an investment protection agreement on Tuesday, according to HE the Minister of Economy and Commerce Sheikh Ahmed bin Jassim bin Mohamed al-Thani.

Leave a Reply

Your email address will not be published. Required fields are marked *