Home / Business / የጨርቅና አልባሳት ኢንደስትሪዎች ወደ ውጭ ከላኩት ምርት 60 ሚሊዮን ዶላር ተገኘ

የጨርቅና አልባሳት ኢንደስትሪዎች ወደ ውጭ ከላኩት ምርት 60 ሚሊዮን ዶላር ተገኘ

ግንቦት 08፣ 2008
ባለፉት ዘጠኝ ወራት የጨርቃ ጨርቅና አልባሳት ኢንደስትሪዎች ወደ ውጭ ከላኩት ምርት 60 ሚሊዬን ዶላር ገቢ ተገኘ፡፡

በዘርፉ የተሰማሩ የአገር ውስጥና የውጭ ፋብሪካዎች የማምረት አቅም ባለፉት ዘጠኝ ወራት ሃምሳ ዘጠኝ ከመቶ መድረሱን የጨርቃጨርቅ ኢንደስትሪ ልማት ኢንስቲቲዩት መረጃ ያሳያል፡፡
ይሁንና የተወሰኑ ፋብሪካዎች ከማምረት አቅማቸው በታች እያመረቱ መሆኑንና ከነዚህም ውስጥ ከዚህ በፊት ከፍተኛ ምርት ያመርቱ የነበሩ ፋብሪካዎች እንደሚገኙበት ኢንስቲቲዩቱ የዘጠኝ ወራት ሪፖርቱን ባቀረበበት ውይይት ላይ ተገልጿል፡፡
በዘጠኙ ወራት ከውጭ ምንዛሬ ሊገኝ ከታቀደው የ110 ሚሊዬን ዶላር ገቢ ውስጥም የተገኘው 60 ሚሊዬን ዶላር ብቻ ነው፡፡ ይህ ባለፈው ዓመት በስድስት ወር ብቻ ከተገኘው ገቢ የ18 ሚሊዬን ዶላር ወይም የ23 ከመቶ ቅናሽ አሳይቷል፡፡
አቶ ፋሲል ታደሰ የኢትዮጵያ ጨርቃጨርቅና አልባሳት አምራቾች ማህበር ፕሬዝዳንት በአገር ውስጥ ገበያ የጥጥ ዋጋ ውድነትና እጥረት መኖሩ፣ የዘመናዊ ማምረቻ ማሽኖች እጥረትና የራሳቸው የፋብሪካዎቹ አቅም ማነስ ለአፈጻጸሙ ዝቅተኛነት ምክንያቶች ናቸው ብለዋል፡፡
በዘጠኙ ወራት ፋብሪካዎቹ ከሚያስፈልጋቸው 74ሺህ ቶን ጥጥ ውስጥ ከአገር ውስጥ አምራቾች ማግኘት የተቻለው 43ሺህ ቶን ብቻ ነው፡፡
የኢንዱስትሪ ሚንሰትር ዴኤታ አቶ ታደሰ ሃይሌ የጨርቃጨርቅና አልባሳት ፋብሪካዎቹ ምርቶቻቸውን ወደ ውጭ እንዲልኩ የተለየ ድጋፍ እንደሚደረግላቸው በመግለፅ የጥጥ አምራቾችን ለማበረታታትም መንግስት የመሬትና የብድር አቅርቦት ማመቻቸቱን ተናግረዋል፡፡ ነገር ግን አሁንም ምርቱን በሚፈለገው መጠን እያቀረቡ እንዳልሆነ ገልጸዋል፡፡
የጨርቃጨርቅ ኢንደስትሪ ልማት ኢንስቲቲዩት ዋና ዳይሬክተር አቶ ስለሺ ለማም የጨርቃጨርቅ ፋብሪካዎች ምርቶቻቸውን ለአለም ገበያ እንዲያቀርቡ የሚደረጉ የማበረታቻ ስርዓቶችን በመፈተሽ አዳዲስ ስርዓቶችም እንደሚቀየሱ ተናግረዋል፡፡ ማበረታቻዎቹን በአግባቡ በማይጠቀሙት ላይም ውሳኔ መስጠት ይጀመራል ነው ያሉት፡፡

ሪፖርተር፡ ማርታ ዘሪሁን

Source: EBC

About Amora

If your Content posted here, in our youtube, twitter and Facebook pages and you want us to modify or remove it, please email us using the contact form in our site. Thanks.

Check Also

Egypt warns Ethiopia Nile dam dispute is life or death -El-Sissi

El-Sissi sought to reassure Egyptians in televised comments while attending the inauguration a fish farm in the Nile Delta province of Kafr el-Sheikh, but stressed that “water is a matter of life or death.” “No one can touch Egypt’s share of water,” he said.

Qatar, Ethiopia sign pact on investment protection

Qatar and Ethiopia have finalised and signed an investment protection agreement on Tuesday, according to HE the Minister of Economy and Commerce Sheikh Ahmed bin Jassim bin Mohamed al-Thani.

Leave a Reply

Your email address will not be published. Required fields are marked *